Siglir tar il cuntegn

Header

cuntegn

Naziunal/Internaziunal Elneny va da Basilea tar Arsenal

Il trenader dal FC Arsenal, Arsène Wenger, ha confermà ch'il giugader egipzian Mohamed Elneny mida dal FC Basilea tar l'emprim da la Premier League.

Damai che Arsenal ha blers giugaders blessads, pudess il giugader central Mohamed Elneny dar ses debut gia en il gieu da dumengia cunter Stoke City.

Elneny ch'a 23 onn è stà engaschà dapi il 2013 tar Basilea. L'atun passà ha el sajettà mintgamai 2 gols en la Super League, e 2 en la Europa League. En tut ha el dà 144 partidas per Basilea e fatg 10 gols. Per la squadra naziunala egipziana ha Elneny giugà fin ussa 40 giadas e fatg 3 gols.

Summa da transfer betg clera

Quai che pertutga la summa da transfer datti differentas infurmaziuns. Entant che l'emettur britannic «BBC» discurra da var 7,2 milliuns francs, rapporta la «Basler Zeitung» da passa 12 milliuns francs. Confermas uffizialas na datti betg.

RR novitads 14:00

Artitgels legids il pli savens