Siglir tar il cuntegn

Header

Breel Embolo vegn purtà sin ina bara.
Legenda: Sin ina bara ha la sanitad purtà giu dal plaz Breel Embolo. Keystone
cuntegn

Naziunal/Internaziunal Embolo croda ora per pli ditg

L'attatgader da la naziunala svizra Breel Embolo è sa fatg mal fermamain en il gieu da la Bundesliga da ses club Schalke 04 cunter Augsburg, ch'è i a fin cun in pari 1:1.

Suenter in foul d'il defensur da Augsburg Konstantinos Stafylidis è Embolo vegnì tractà durant pliras minutas. Silsuenter han ins transportà el en l'ospital, la diagnosa munta ad ina ruttadira dal giarlet sanester. Perquai croda Embolo ora per almain quatter fin sis mais, ed uschia era per il gieu Svizra cunter las Inslas Feroe.

Breel Embolo aveva midà la stad per radund 27 milliuns francs dal FC Basel tar Schalke 04. Avant curt ha el marcà ses emprims dus gols en la Bundesliga, quai cunter Borussia Mönchengladbach.

RR novitads 20:00

Artitgels legids il pli savens

Scrollar a sanestra Scrollar a dretga