Siglir tar il cuntegn
cuntegn

Naziunal/Internaziunal Embolo va tar Schalke 04

Il transfer da l'attatgader Breel Embolo (19) dal FCB en la Bundesliga è perfetg. Quai ha comunitgà il club da ballape Schalke 04 dumengia suentermezdi en sia radunanza da comembers.

Embolo en in'acziun en il otgavel final da l'euro a Saint-Etienne.
Legenda: Il attatgader Breel Embolo (19) mida dal FCB en la Bundesliga. Keystone

Da la summa per il transfer dad Embolo era gia vegnì speculà en las medias svizras. Igl era vegnì scrit dad ina summa da 20 milliuns euro. Uss scriva Bild da 21 milliuns euros en transchas da 7 milliuns. Tenor la communicaziun uffiziala da Schalke 04 hajan dentant ils dus clubs fatg giu da na dir nagut tar la summa da transfer deffinitiva.

Embolo mida a partir da subit tar Schalke. El haja suttascrit in contract per 5 onns, scriva Schalke.

Clubs da tut l’Europa paran da s’avair interessà per il giuven svizzer cun ragischs camerunaisas – tranter da quels era Manchester United. Che l’Engalterra saja bain il campiunadi da ses siemis, vegn cità Embolo da l’agentura da pressa franzosa AFP, ma el sa dumondia tge ch’el duaja far cun 24 u 25 sch’el va gia uss en Engalterra.

RR novitads 14:00