Naziunal/Internaziunal - Emprima medaglia svizra als Campiunadis mundials da freestyle
In'emprima medaglia gudogna la Svizra als Campiunadis mundial da snowboard e freestyle en la Spagna. En la concurrenza sin la pista da bots gudogna il Tessinais Marco Tadé la medaglia da bronz.
En la cursa dubla sin la pista da bots vegn il Tessinais tar l’emprima medaglia per la squadra svizra. En la cursa singula d'ier aveva Tadé anc manchentà bronz mo per pauc.
En la cursa dubla da las dunnas è la Tessinaisa Deborah Scanzio crudada ora en ils quartfinals.
