Siglir tar il cuntegn
cuntegn

Naziunal/Internaziunal Emprima victoria ad in ATP per Zverev

Il giugader da tennis tudestg Alexander Zverev ha gudagnà ier il final dals ATP a Londra ed uschia pudì festivar ses pli grond success da la carriera.

Giugader da tennis che auza si ina trofea.
Legenda: Grond triumf per Alexander Zverev. Reuters

En il final ha il giuven da 21 onns battì il favurit e numer in dal mund Novak Djokovic en dus sets cun 6:4 e 6:3. Tar il resultat da 4:4 ha Djokovic stuì incassar l’emprim break dal turnier. A l’entschatta dal segund set èn lura vegnids vitiers anc dus ulteriurs breaks.

Cunquai resta Roger Federer cun ses titels il victur da record dals ATP Finals, avant Novak Djokovic, Pete Sampras e Ivan Lendl.

RR novitads 6:00