Siglir tar il cuntegn
cuntegn

Naziunal/Internaziunal Emprima victoria per Lisa Vittozzi

La Taliana Vittozzi vegn l'emprima giada en sia carriera sisum il podest. Percunter n'arrivan da las biatletas Svizras naginas en las top 30 – al al sprint sur 7,5 kilometers da la cuppa mundiala ad Oberhof en Germania.

La biatleta Lisa Vittozzi.
Legenda: Emprima victoria en la cuppa mundiala per Lisa Vittozzi. Keystone

Per las duas meglras Svizras – Lena Häcki e Susanne Meinen – resultan ils plazs 38 e 39. Entant che Häcki ha fatg dus sbagls da sajettar, ha Meinen sulet manchentà ina giada la noda. Aita ed Elisa Gasparin sa rangheschan sco 67avla e 69avla, e manchentan uschia da sa qualifitgar per la cursa da persecuziun.

Sisum il podest dal sprint vegn per l’emprima giada en sia carriera la Taliana Lisa Vittozzi. Ella distanziescha la Franzosa Anaïs Chevalier per tschintg secundas, e la Svedaisa Hanna Oeberg per 15 secundas. Tuttas trais biatletas n'han fatg nagins sbagls da sajettar

RR actualitad 17:50