Siglir tar il cuntegn
Inhalt

Naziunal/Internaziunal Emprova generala cunter il Giapun

La naziunala svizra da ballape frunta en il davos gieu da test en vista als campiunadis mundials a Lugano sin il Giapun. La Svizra vul gudagnar questa emprova generala, tancar morala per uschia pudair ir cun in bun sentiment vers Russia.

La squadra naziunala svizra da ballape.
Legenda: La naziunala svizra da ballape frunta en il davos gieu da test en vista als campiunadis mundials a Lugano sin il Giapun. Keystone

En quest davos gieu da test vul il trenader naziunal Vladimir Petkovic er dar la schanza a giugaders ch’han stuì seser sin banc en il davos gieu da test a Villarreal cunter la Spagna (1:1). Perquai lascha Petkovic giugà en gol Roman Bürki, il goli numer 2. Er Mario Gavranovic dastga sa mussar encunter ils Giapunais. Plinavant turna il reschissur d’amez Granit Xhaka puspè enavos sin il plaz, suenter sia blessura.

Lichtsteiner en il club da 100

In gieu spezial vegni per il chapitani da la naziunala svizra, Stephan Lichtsteiner. Il defensur dat a Lugano ses 100avel gieu en il tricot da la naziunala svizra. Lichtsteiner è pir il quart giugader che dumogna questa cifra suenter Heinz Hermann (117), Alain Geiger (112) e Stéphane Chapuisat (103).

Il gieu da test Svizra - Giapun en il stadion Cornaredo a Lugano
cumenza a las 19:00 uras.

RR actualitad 17:00