-
Bild 1 von 3. Ils Englais suenter il gol decisiv per il 2:1. Bildquelle: Reuters.
-
Bild 2 von 3. L'attatgader Romelu Lukaku ha gist sajettà dus gols. Bildquelle: Keystone.
-
Bild 3 von 3. Ils mellens pon festivar lur victoria cunter la Corea dal Sid. Bildquelle: Keystone.
Ils Englais han dominà la partida surtut en l’emprim temp. En la 12avla minuta ha - Harry Kane fatg l’emprim gol per sia equipa. En la 35avla minuta ha lura Ferjani Sassi pudì egualisar per ils Tunesians. lura egualisà. Il gol decisiv ha lura puspè Kane sajettà en il temp supplementar en la 91avla minuta.
Belgia cun victoria cunter il Panama
Ils Beltgs pon festivar lur emprima victoria dal turnier. Sajettà ils gols tar il 3:0 cunter il Panama han suenter la pausa Dries Martens e Romelu Lukaku. L'attatgader da Manchester United ha fatg dus gols. Ils Beltgs han dentant gì da morder cun il Panama ch'è per l'emprima giada ad in campiunadi mundial. Pir en la segunda mesadad han els pudì marcar l'emprim gol.
La Svezia gudogna cunter la Corea dal Sid
Ils Svedais èn partids cun ina victoria en il campiunadi mundial da ballape. Il gol decisiv è crudà en la 65avla minuta entras in penalti dad Andreas Granqvist. La partida è stada gropa cun massa fouls. Era l'effizienza dals Scandinavs n'è betg stada buna.
Uss giaschan la Svezia ensemen cun il Mexico sin l'emprim plaz da la tabella. Ils Mexicans avevan battì surprendentamain la dumengia l'equipa tudestga.
RR novitads 17:00