Siglir tar il cuntegn

Header

Navigaziun

Corvin en acziun sin il glatsch.
Legenda: Cumbatta vinavant per il HCD – Enzo Corvi ha prolungà ses contract tar il club da hockey da Tavau. Keystone
cuntegn

Naziunal/Internaziunal Enzo Corvi cumbatta vinavant per il HCD

Suenter ch'il HCD ha annunzià il glindesdi, che ses chapitani Andres Ambühl, resta a bord, ha annunzià il club da hockey uss la proxima prolungaziun impurtanta: Il center Enzo Corvi ha prolungà ses contract fin il 2022. Quai scriva il HCD sin sia pagina en la rait.

Il titel da la communicaziun mussa, ch'il HCD è cuntent che ses giugader Enzo Corvi (26) ha prolungà il contract cun il club da hockey almain fin ils 2022: «El na vul betg currer davent en quest temp difficil».

Pestgà cun Corvi il pesch pli grond dal martgà da transfer

Suenter il campiunadi mundial en il Danemarc, nua che Corvi aveva sajettà 4 gols e dà 5 assists, vala el sco giugader zunt tschertgà en l'entira Svizra, scriva il HCD vinavant. Corvi saja schizunt stà l'um il pli tschertgà sin il martgà da transfers quest onn.

Uss èsi cler che Corvi gioga vinavant per Tavau. En quest grev temp na veglia el betg laschar il club en la merda, ha el argumentà tranter auter.

Cun Ambühl e Corvi en ils proxims onns

Cun la prolungaziun dal contract dal chapitani Andres Ambühl dad ier glindesdi e quella dal center Enzo Corvi dad oz mardi haja il HCD savì gudagnar dus giugaders centrals per sia squadra, di il president dal HCD, Gaudenz Domenig, a RTR.

I na giaja uss betg be per l'onn 2019:

RR novitads 11:00