Siglir tar il cuntegn

Header

Selina ed Elisa Gasparin
Legenda: Selina (sanester) ed Elisa Gasparin Keystone
cuntegn

Naziunal/Internaziunal Equipa naziunala da biatlon cun duas soras Gasparin

A la fin da la stagiun d’enviern ha Swiss Ski nominà ils caders da biatlon per la proxima stagiun.

Il pli grond sigl da promoziun fan las biatletas grischunas Elisa ed Aita Gasparin sco era Benjamin Weger e Lena Häcki.

Elisa Gasparin promova dal cader A en l’equipa naziunala da biatlon. Là s’inscuntra ella cun sia sora Selina Gasparin che turna suenter la pausa da maternitad puspè en l’equipa naziunala.

Benjamin Weger
Legenda: Benjamin Weger. Keystone

Il pass dal cader A en la squadra naziunala fa era Benjamin Weger. Il biatlet valais ha persvadì cun bunas prestaziuns durant l’enviern e fa il pass en il pli aut cader da biatlon svizzer.

Dal cader B en il cader A

Aita Gasparin vegn promovida dal cader B en il cader A. Il medem vala era per Serafin Wiestner da Trin. Lena Häcki dad Engelberg vegn schizunt promovida dal cader da juniors en il cader A. E per finir vegn Irene Cadurisch da Malögia relegada dal cader A en il cader C. Irene Cadurisch ha cumbattì durant l’enviern cun in infect bacterial ed ha perquai pers il status dal cader A.

RR novitads 17:00

Artitgels legids il pli savens

Scrollar a sanestra Scrollar a dretga