Ravet aveva sajettà curt avant pausa il 1:0 per GC. Mo suenter pausa han Elneny e Callà sajettà aifer mo 4 minutas dus gols ed han uschia segirà la victoria a Basilea.
Gia avant pausa è il gieu Thun encunter Vaduz stà decidì. Thun manava gia da pausa cun 4:0. Quai è lura è stà il resultat final.
FCB 14 puncts avant il secund YB
Basilea maina en la tabella uss gia 14 puncts avant ils Young Boys. YB sa dentant anc ir oz per puncts. Ils Bernais dattan davent da las 16:00 ordaifer encunter Turitg. Gia avant dat Son Gagl encunter Sion ed Aarau encunter Lucerna. Gudogna Aarau, lura vegnia anc ina giada critic per Vaduz. Lura fiss Vaduz numnadamain mo pli 3 puncts avant il davos Aarau.
Sportissimo 12:00