Siglir tar il cuntegn

Header

logo da la federaziun da hockey svizra
Legenda: Vul prender suenter tant pli spert il campiunadi mundial dal 2020, Swiss Ice Hockey. Freshfocus
cuntegn

Er pussibel 2023? Svizra candidescha per il CM dal hockey sin glatsch 2026

Suenter ch'il campiunadi mundial 2020 en Svizra è ditg giu vul la Federaziun da hockey svizra SIHF uschèspert sco pussaivel organisar il campiunadi. Perquai ha SIHF inoltrà sia candidatura per il 2026. Quai è vegnì enconuschent en il rom da la conferenza da medias d'avant la nova stagiun da hockey sin glatsch.

Uffizialmain po la Svizra organisar il turnier pir il 2026 perquai ch'il campiunadi mundial 2025 è gia surdà. Sch'i avess da dar ina pussaivladad avant, fiss il SIHF pront da siglir en per in auter pajais.

2021 nagin tema pli

Il mument è anc avert sch'il campiunadi mundial 2023 en la Russia po avair lieu. La Russia è serrada sco organisatur d'occurrenzas internaziunalas perquai ch'ella n'è betg sa tegnida vid reglas da doping. La Svizra fiss pronta il 2023 sche la Russia croda or.

Per il campiunadi mundial 2021 sco co-organisatur ensemen cun la Lettonia haja la Svizra ditg giu. Il mument sa dosta la Lettonia d'organisar ensemen cun la Bielorussia il campiunadi pervi dals svaris politics.

video
Tut davart la desditga dal Campiunadi mundial 2020 en la Svizra
Or da sportpanorama dals 22.03.2020.
laschar ir

RTR novitads 15:00

Artitgels legids il pli savens

Scrollar a sanestra Scrollar a dretga