Siglir tar il cuntegn

Naziunal/Internaziunal Er Raonic na vegn betg da franar Federer

Roger Federer ha cuntanschì a moda suverana il mezfinal dal grand slam da tennis a Wimbledon. En il quartfinal ha Federer battì il Canadais Milos Raonic en trais sets cun 6:4, 6:2 e 7:6.

Legende: Video Federer – Raonic: highlights abspielen. Laufzeit 2:24 Minuten.
Dals 12.07.2017.

En il mezfinal frunta Roger Federer sin il Tschec Tomas Berdych ch’ha gudagnà ses quartfinal cunter il Serb Novak Djokovic. Tar il stan da 7:6 e 2:0 per Berdych ha Djokovic stuì dar si la partida pervi d'ina blessura vid in bratsch.

En l’auter mezfinal frunta il Croat Marin Cilic sin l’American Sam Querrey. Querrey ha battì il defensur dal titel, il Scot Andy Murray en tschintg sets cun 3:6, 6:4, 6:7, 6:1 e 6:1. A la fin dal gieu pateva Andy Murray dentant da problems cun in chalun. Cilic ha gudagnà ses gieu en tschintg sets cun Gilles Muller dal Luxemburg che veva anc tramess a chasa il Spagnol Rafael Nadal.

RR novitads 20:00