Il brit Froome maina avant l'etappa finala cun in avantatg da passa 4 minutas sin il franzos Romain Bardet ed il columbian Nairo Quintana ch'è terz. Froome vegn uschia il pli probabel a gudagnar damaun per la terza giada il Tour de France (suenter ils 2013 e 2015). Sin l'etappa finala da Chantilly sin ils Champs-Élisées a Paris na vegn il leader tradiziunalmain betg pli attatgà.
Izaguirre Insausti gudogna la penultima
Gudagnà l'etappa da muntogna da la sonda da Megève a Morzine ha il spagnol Jon Izaguirre Insausti. Quai munta per quest onn l'emprima victoria spagnola al Tour de France. Il basc Izaguirre, ch'è stà il segund al Tour de Suisse 2016, ha gudagnà 19 secundas avant il columbian Jarlinson Pantano. Per il ciclist da l'equipa svizra IAM èsi gia la terza giada quest'jamna ch'el è aifer ils top 3. Ina etappa ha Pantano gudagnà.
RR Sportissimo 17:00