Siglir tar il cuntegn

Header

cuntegn

Era Lugano cun in cas Friburg-Gottéron pervi da corona en quarantina

Il manaschi da hockey da la liga naziunala A survegn difficultads. Suenter che quatter giugaders da Friburg-Gottéron èn vegnids testads positiv sin covid-19 – sto l’entira equipa star en quarantina.

Suenter che quatter giugaders da Fribourg-Gottéron èn vegnids testads positiv sin covid-19 – sto l’entira equipa star en quarantina, sco il club ha annunzià. Il medem vala er per ils giugaders sut 20 onns ed il persunal.

En consequenza ston trais partidas vegnir spustadas. Dasper quella da venderdi a chasa cunter Tavau, èn era pertutgadas las partidas ordaifer cunter Losanna la sonda e cunter Genevra il mardi proxim. Betg cler è anc, quant ditg che la quarantina per ils giugaders da Friburg dura.

Era Lugano annunzia in cas

Dasper ils Friburgais è actualmain era il HC Lugano en quarantina. Il giugader Alessio Bertaggia è numnadamain vegnì testà positiv. Fin ch'ils tests da l'entira squadra e dal persunal èn avant maun, è la squadra en quarantina. La partida dal 16avel final da la cuppa svizra da questa saira cunter ils Pikes Oberthurgau è vegnida spustada.

RTR novitads 11:00

Artitgels legids il pli savens

Scrollar a sanestra Scrollar a dretga