Siglir tar il cuntegn

Header

Roger Federer sin il Centre Court
Legenda: Anc 3 victorias dovra Roger Federer per gudognar per la 8avla giada il turnier da Wimbledon. Keystone
cuntegn

Naziunal/Internaziunal Era senza Djokovic è la via per Federer greva

Suenter ch’il grond favurit, il dominatur actual dal tennis, Novak Djokovic, n’è betg pli el turnier a Wimbledon, èn las schanzas sin il titel per Roger Federer natiralmain pli grondas. Ma la via è anc lunga e greva.

Anc 3 victorias mancan a Roger Federer enfin igl 8avel titel a Wimbledon. Cun la terrada da Novak Djokovic en la terza runda è il pli grond adversari betg pli en il turnier. Ma tuttina resta la via tar il titel greva. Per cuntanscher quel, sto Federer batter Marin Cilic e silsuenter probabel anc Milos Raonic ed Andy Murray.

audio
La via tar igl 8avel titel è anc lunga.
02:28 min, Actualitad dals 05.07.2016.
laschar ir. Durada: 02:28 minutas.

Vid il Croat Marin Cilic n’ha Roger Federer betg bunas regurdientschas. Cunter el veva Federer pers il final agl US Open 2014. Igl è dentant stà la sulet terrada cunter Cilic; 5 giadas ha el battì il Croat. Ma Federer manegia, che Cilic saja anc sa meglierà dapi igl inscunter il 2014.

Jau sun fitg fitg cuntent e na vegn betg euforic, ma hai plaschair da la victoria e ma legrel sin il quartfinal cunter Marin Cilic.
Autur: Roger FedererNumer 3 dal mund

En il mezfinal spetgass tgunsch il Canadais Milos Raonic. Quel ha gì pulit miserias en igl otgavelfinal cunter il Beltg David Goffin. Raonic ha pers ils emprims 2 sets, ha lura dentant anc pudì volver il gieu e gudagnar en 5 sets.

Po Federer enfin il final, lura è in duel cunter il numer 2 dal turnier, Andy Murray, tgunsch pussibel. Sco usità tar il turnier a Wimbledon, ses «turnier da chasa», è il Scot en fitg buna furma.

Il quartfinal da Roger Federer cunter Marin Cilic è mesemna a las 14:00.

RR actualitad

Artitgels legids il pli savens

Scrollar a sanestra Scrollar a dretga