Siglir tar il cuntegn

Naziunal/Internaziunal Era Wawrinka resta sin curs a l'US Open

Suenter Roger Federer ha erA Stan Wawrinka dumagnà il pass en l'8avel da l'US Open a New York.

Stan Wawrinka en acziun.
Legenda: Stan Wawrinka ha battì il beltg Ruben Bemelmans senza perder il set. Keystone

Il Romand ha battì il Beltg Ruben Bemelmans senza perder in set cun 6:3, 7:6 (7:5) e 6:4. En la runda dals 16 megliers frunta Wawrinka lura il glindesdi sin il matador local Donald Young (ATP 68).

Ordavant aveva Federer battì il Tudestg Philipp Kohlschreiber (ATP 29) cun 6:3, 6:4 e 6:3. Ses proxim adversari è l'American John Isner (ATP 13).