Il Columbian Egan Bernal ha gudagnà il Tour de Suisse 2019. Quai cun in avantatg da 19 secundas sin l'Australian Rohan Dennis. El ha pudì parar suveran tut las attatgas da l'Australian Dennis.
Gudagnà l'ultima etappa dal tur ha il Brit Hughes Carty. Meglier Svizzer è stà Mathias Frank sco quart. L'etappa ha manà sur passa 100 kilometers sur ils Pass dal Nufenen, Gottard e Furka.
Tour de Suisse 2020
L'84avel Tour de Suisse cumenza l’onn che vegn ils 6 da zercladur a Frauenfeld. Quai han ils organisaturs communitgà avant l’ultima etappa dal Tour de Suisse da quest onn. La terz-ultima etappa da l’onn che vegn terminescha a Sedrun. La penultima etappa è ina cursa cunter l’ura da Mustér ad Andermatt. E l’etappa finala terminescha ad Andermatt e maina puspè sur ils pass dal Furca, Grimsel e dal Susten.
RR novitads 17:00