La finala è l'ipoteca ord l'emprim gieu stada memia gronda per Francfurt. B Basilea era dentant er memia bun. L'equipa da Marcel Koller ha vers la fin manchentà pliras schanzas da sajettar l'emprim gol. En la 88avla minuta ha Fabian Frei sajettà il sulet gol da la partida.
Ils 12 da mars ha il FC Basilea gudagnà en Germania cunter Francfurt cun 3:0. Questa saira ha l'equipa dal trenader Adi Hütter empruvà da prender suenter quai, ma senza success. La finala n'hai dà nagins gols uschia che Basilea è sa qualifitgà per il quartfinal (cunter Schachtar Donezk). Dapi sis onns n'è nagina equipa svizra pli vegnida uschè lunsch en l'Europa League.
Per Basilea è la concurrenza europeica er la schanza d'almain salvar in zic ina stagiun inpau sventiraivla.
Ils quartfinals da l'Europa League:
Schachtar Donezk - Basilea
Manchester United - Kopenhagen
Inter Milaun - Bayer Leverkusen
Wolverhampton - Sevilla
Ils quartfinals vegnan giugads ils 10. ed 11. d'avust tuts en la Germania (Cologna, Duisburg, Düsseldorf e Gelsenkirchen) e senza gieu da return. Er en ils mezfinals (16. e 17. d'avust) datti sulet in gieu. Il final è lura ils 21 d'avust.
