Siglir tar il cuntegn
Inhalt

Naziunal/Internaziunal Europa League: Schachtar Donezk memia ferm per YB

Ils Young Boys perdan il gieu da qualificaziun cunter il club ucranais cleramain cun 0:2.

Gol.
Legenda: Ils giugaders dals Young Boys èn perplex suenter il 0:1. Keystone

Ils Young Boys dastgassan er quest onn manchentar la qualificaziun per la Champions League. Ils Bernais han numnadamain pers mardi saira l’emprim gieu da la terza runda da qualificaziun cunter Schachtar Donezk ordaifer cun 0:2.

Cun excepziun da las emprimas 10 minutas han ils Ucranais dominà cleramain la partida. A partir da la 55avla minuta ha YB stuì giugar cun in um pli pauc sin il plaz. Quai suenter che Milan Vilotic ha vesì la segunda carta melna.

Il gieu da return è lura l'autra mesemna a Berna.

RR novitads 06:00