Cumenzà ha tut tenor plan per YB. Gia suenter 15 minutas èn ils Svizzers ids en avantatg cun 1:0. Jean-Pierre Nsame ha tutgà davent dal punct da penalti. Cun quest avantatg è YB alura er ì en la pausa.
Suenter pausa è la situaziun dentant sa midada relativamain svelt. Ils talians ch'han durant l'emprima mesadad anc schanegià insaquants giugaders èn entras las midadas Edin Dzeko e Henrich Mchitarjan vegnids meglier en la partida. Bruno Peres en la 69avla minuta e Marash Kumbulla en la 74avla minuta han alura vieut la partida.
Ils Young Boys giogan puspè l'autra emna en l'Europa League – en la Rumenia cunter Cluj.