Siglir tar il cuntegn
Inhalt

Naziunal/Internaziunal Europeans e Sidamericans tranter els

Per 16 equipas è l’aventura campiunadi mundial da ballape a fin, per 16 equipas cuntinuescha quest viadi. Tranter quellas era la Svizra ch’è la finala sa qualifitgada suveran per la fasa da K.O., quai sco segund da gruppa davos la Brasilia.

Ins dastga esser spanegià co ch'i va vinavant.
Legenda: Ins dastga esser spanegià co ch'i va vinavant. Keystone

Cun excepziun da la Germania, la gronda surpraisa a quest turnier, han tut ils gronds favurits cuntanschì ils otgavelfinals, malgrà che las equipas cun pauc credit han procurà per bain inqual surpraisa a quest turnier enfin ussa.

Tranter las 16 naziuns che cumbattan anc per il titel da campiun mundial èn diesch equipas da l’Europa e 4 equipas da l’America dal Sid. Sulet il Mexico ed il Giapun han anc pudì sa qualifitgar per ils otgavelfinals.

Ina trumpada sto il continent Africa magunar. Per l’emprima giada dapi il 1982 n’è nagina equipa africana da la partida en la fasa da K.O.

Duels d’otgavelfinal al campiunadi mundial da ballape 2018

Sonda,
16:00 a Kasan
Frantscha – Argentina
Sonda,
20:00 a Sotschi
Uruguay – Portugal
Dumengia,
16:00 a Moscau
Spagna – Russia
Dumengia,
20:00 a Nischni Nowgorod
Croazia – Danemarc
Glindesdi,
16:00 a Samara
Brasilia – Mexico
Glindesdi,
20:00 Rostov-on-Don
Belgia – Giapun
Mardi,
16:00 a St. Petersburg
Svezia – Svizra
Mardi,
16:00 a Moscau
Columbia – Engalterra

RR actualitad 07:00