Las davosas trais stagiuns ha il Norvegiais Dan Tangnes trenà il team svedais Linköping, uss surpiglia el l'EV Zug. Per dus onns ha l'um da 39 onns suttascrit in contract sco successur da Harold Kreis. Pir avant 10 dis aveva il club da hockey ditg adia a Kreis.
Integrar giuvens atlets
Cun Tangnes surpiglia in Coach il scepter, ch'ha il resun da pudair integrar e promover bain giuvens atlets. Sias qualitads en quest sectur haja el cumprovà cun sia lavur tar il team svedais, ha l'EV Zug constatà.
Communablamain cun l'EVZ vegnin nus en ils proxims onns a furmar il meglier lieu da scolaziun da la Svizra ed a giugar cun success.
RR novitads 09:00