Il plan dals da Zug è stà cler. Na laschar vegnir si euforia tar ils Lakers. E quai è gartegià cun l'in a nulla gia en la quarta minuta. 8 minutas pli tard il dus a nulla per Zug. Cun il resultat da 3:0 èsi ì en l'emprima pausa.
Ils Rappersil Lakers ch'han survegnì il surnum «monsters da la cuppa» han dentant mussà morala. Èn turnads cun blera energia enavos sin il glatsch suenter pausa. Per dapli ch'in gol e scursanir sin 1:3 n'hai betg tanschì.
4 minutas avant fin fa l'EV Zug tut cler cun il 4:1. L'ultim gol croda en il gol vit. Titels e buccals stgarts tar ils hockeyans da Zug. Anno 1998 è il club vegnì l'emprima e suletta giada campiun svizzer. Uss il segund buccal en l'istorgia dal club cun gudagnar la Cuppa svizra da hockey sin glatsch.
RR novitads 18:00