Siglir tar il cuntegn

Header

cuntegn

Naziunal/Internaziunal F1: Pole per Lewis Hamilton en il GP da l'Australia

La nova stagiun da Furmla 1 cumenza, sco la veglia ha chalà: Mercedes dominescha. I sa tracta da la 50avla poleposition per Lewis Hamilton da sia carriera.

Lewis Hamilton ha segirà la poleposition en il qualifying dal Grond Premi a Melbourne. Il pilot da Mercedes parta cunquai per la 50avla giada da posiziun 1 en in Grond Premi. Segund è vegnì ses collega da team, il Tudestg Nico Rosberg.

Da las segunda retscha partan ils dus pilots da Ferrari, il Tudestg Sebastian Vettel ed il Finlandais Kimi Raikkönen.

Ils dus pilots da Sauber, il Svedais Marcus Ericsson ed il Brasilian Felipe Nasr èn sa qualifitgads sin posiziun 16 e 17.

La cursa cumenza dumengia las 06:00.

RR novitads 09:00

Artitgels legids il pli savens