Il campiun mundial parta per la quarta giada suenter il 2007, 2013 e 2015 davent da la poleposition a Silverstone. El ha battì Nico Rosberg per bun 3 dieschavels. I sa tracta da la 55avla poleposition da sia carriera per Hamilton. Ord la segunda retscha partan ils dus pilots da Red Bull, l’Ollandais Max Verstappen e l’Australian Daniel Ricciardo. Sebastian Vettel è sa qualifitgà sco 6avel, ma sto però cumenzar la cursa da damaun sco 11avel, perquai ch’el ha stuì laschar midar il motor da ses Ferrari.
Da la squadra da Sauber è sulettamain Felipe Nasr sa participà al qualifying. Il Brasilian è vegnì davos. Ses collega da la Svezia, Marcu Ericsson, ha stuì dar forfait.
En il terz trenament liber ha Ericsson gì in grev accident cura ch’el ha pers la controlla sur da ses bolid. El n’è betg sa blessà. Però n’han ils mecanists betg pudì reparar ses bolid demolì ad uras.
En il classament general ha Nico Rosberg anc 11 puncts avantatg sin Lewis Hamilton.
RR novitads 15:00
