Valtteri Bottas sin Mercedes ha gudagnà il Grond Premi da l’Australia a Melbourne. Quai avant ses collega da squadra, il Brit Lewis Hamilton. Terz è vegnì l'Ollandais Max Verstappen sin Red Bull.
Dasper ils 25 puncts per la victoria survegn Valtteri Bottas anc in punct supplementar per la pli sperta runda da la cursa. Per Bottas èsi stà la quarta victoria da la carriera. L’emprima dapi ils 26 da november 2017.
Alfa Romeo en il puncts
Puncts hai er dà per la squadra svizra dad Alfa Romeo: Il Finlandais Kimi Räikkönen ha terminà l’emprima cursa da la stagiun sin il 8avel plaz. Ses collega da squadra, il Talian Antonio Giovinazzi è vegnì 15avel.
Nagin podest per Ferrari
Betg propi vegnì sin turas è Ferrari tar l'emprima cursa da la stagiun. Il Tudestg Sebastian Vettel è vegnì quart. Quai gist avant ses collega da squadra, il Monegass Charles Leclerc ch'ha realisà sco tschintgavel ses meglier resultat da la carriera.
RR novitads 08:00
