Siglir tar il cuntegn

Naziunal/Internaziunal Fabian Schär va tar Newcastle

La fin da la davosa stagiun è la relegaziun stada in fatg per La Coruña, il club spagnol da Schär. Uss mida el sco spetgà en la Premier League.

Dus giugaders da ballape.
Legenda: En las colurs da La Coruña ha Fabian Schär era defendì cunter Lionel Messi. Keystone

Il defensur da la squadra naziunala da ballape svizra ha suttascrit tar Newcastle United in contract da trais onns. Il 2016 aveva Newcastle anc stuì bandunar la Premier League, però mo in onn pli tard èsi gartegià da returnar en la pli auta liga da l’Engalterra. La davosa stagiun han els finì sin plazza 10.

Tar Deportivo La Coruña ha Fabian Schär sulettamain giugà ina stagiun, ed en 27 gieus è el vegnì en acziun. Ordavant ha Schär giugà per Wil, Basilea e Hoffenheim.

Al campiunadi mundial ha Fabian Schär absolvì trais da quatter gieus da la naziunala. Cura che la Svizra è dada ora en l’otgavelfinal cunter la Svezia, n’ha el però betg dastgà dar pervi da memia bleras cartas melnas.

RR novitads 14:00