Malgrà la terrada èsi stà in gieu tut spezial per Fadri Riatsch. Il giuven hockeyan da Sent ha numnadamain giugà ses emprim gieu per Tavau en la liga naziunala. Fadri Riatsch ha 19 onns, è sulet 1,64 meters gronds e paisa be 59 kilos. El n’è pia betg ina dals pli gronds sin il glatsch, dentant in dals pli movibels e sperts. Fadri Riatsch è attatgader ed ha lantschà sia carriera tar il CdH Engiadina e gioga actualmain tar ils juniors d’elita dal HCD. El è in da paucs che discurra rumantsch a Tavau.
RR Sportissimo 17:00
