Siglir tar il cuntegn

Header

cuntegn

Fanny Smith e Ryan Regez Duas victorias svizras en il skicross en Svezia

Tant Fanny Smith sco er Ryan Regez fan ad Idre en Svezia l'emprim plaz.

Fanny Smith gudogna avant la matadora locala Sandra Näslund e la Canadaisa Brittany Phelan. Per Fanny smith èsi la terza victoria questa stagiun. Vinavant mussa la victoria sia posiziun extraordinaria: La cursa ad Idre è stada sia 100avla. Da quellas tschient cursas ha ella gudagnà 22.

Las ulteriuras Svizras Talina Gantenbein e Sixtine Cousine èn crodadas or en il quartfinal.

video
Fanny Smith gudogna a Idre
Or da Sport-Clip dals 25.01.2020.
laschar ir

Segunda victoria pauc pli tard

Paucas minutas suenter la victoria da Fanny Smith ha Ryan Regez passà la lingia d'arrivada. El gudogna avant il Canadais Brady Leman ed il franzos François Place. Per Regez èsi la segunda victoria da questa stagiun.

Ils ulteriurs Svizzers Alex Fiva e Armin Niederer èn crodads or en il quartfinal. Romain Detraz, Jonas Lenherr e Marc Bischofberger èn schon avant crodads or.

La proxima cursa

Schon damaun stan ils skicrossers puspè sin pista. La cursa cumenza curt avant las 11:00.

RTR novitads 14:00

Artitgels legids il pli savens

Scrollar a sanestra Scrollar a dretga