Siglir tar il cuntegn
cuntegn

Naziunal/Internaziunal Fanny Smith gudogna ad Innichen

Quatter dis suenter sia victoria a l'entschatta da la cuppa mundiala ad Arosa, gudogna la Svizra er en Italia.

Purtret da Fanny Smith durant in sigl.
Legenda: Fanny Smith ha gudagnà cursa da skicross ad Innichen. Keystone

Per Fanny Smith è quai gia la 15avla victoria ed il 34avel plaz da podest en tut en sia carriera en il skicross.

Sco gia ad Arosa è la dunna da 26 onns sa messa tras cunter la victura da la cuppa mundiala da l'onn passà, la Svedaisa Sandra Näslund. Quai è suenter il 2010 ed il 2013 sia terza victoria ad Innichen. Sia collega da team, Sana Lüdi ha gì discletg en il quartfinal. Sia liadira è s'averta durent ir.

Fiva pli ferm Svizzer dals umens

Meglier Svizzer tar ils umens è stà Alex Fiva sco 5avel. El ha survegnì pervi d'in foul en il duel cunter il Franzos Jean-Frédéric Chapuis in chasti. Perquai ha el stuì cumbatter en il final pitschen empè da pudair defender ses segund rang.

RR novitads 16:00