L'onn 2013 è Smith vegnida campiunessa mundiala en il skicross a Norvegia. Avant dus onns ha ella gudagnà bronz a Kreischberg. Uss pia il set da medaglias cumplet cun la medaglia d'argient a Sierra Nevada.
audio
Skicross: Fanny Smith va per argient
ord Sportissimo dals 18.03.2017.
laschar ir. Durada: 1 minuta 28 Secundas.
Be la Svedaisa da 20 onns, Sandra Näslund è stada pli svelta che Smith. Terza è la Franzosa Ophélie DAvid vegnida. En la cuppa mundiala ha Smith enfin uss mussà ina buna prestaziun cun sis plaz sin il podest. Gudagnà ha ella dentant anc nagina cursa en questa stagiun.
Suenter siat campiunadis mundials è Smith anc adina la suletta Svizra che ha gudagnà medaglias da campiunadis mundials en il skicross.
RR novitads 17:00