Siglir tar il cuntegn

Header

cuntegn

Fans fidaivels Ambri-Piotta – in club che fascinescha

En millis èn ils fans d'Ambri-Piotta a Tavau durant la Cuppa Spengler. Fans che vegnan da l'entira Svizra per sustegnair l'equipa.

L'atmosfera durant la Cuppa Spengler è speziala, durant ils gieus d'Ambri-Piotta dentant anc in zic pli speziala. Ils fans procuran mintgamai per in'atmosfera fenomenala durant ils gieus. Per ils Tessinais èn ils gieus a Tavau sco gieus da chasa. La curva ost è durant ils gieus d'Ambri mintgamai ina paraid blau-alva.

Tut è spezial tar Ambri. Spezials fans, spezial club, spezial trenader.
Autur: Othmar Lutzfan d'Ambri-Piotta

Da l'entira Svizra vegnan ils fans d'Ambri a Tavau per guardar ils gieus da lur equipa. Il club da la Leventina ha numnadamain fans en mintga chantun dal pajais e betg mo en il Tessin.

«La Montanara» – imni dal hockey

Cun la chanzun dal club «La Montanara» han ils fans gia pliras giadas fatg grondiusa atmosfera en la halla da glatsch a Tavau. Uschia in'atmosfera sco durant ils gieus d'Ambir hai darar dà al turnier da tradiziun. Cun lur prestaziun sin il glatsch, dentant er sper il glatsch ha il club da la Leventina gudagnà bleras simpatias durant la Cuppa Spengler 2019.

RTR actualitad 17:00