Far sport d’elita e studegiar duai daventar pli simpel

Swiss Olympic e swissuniversities s'engaschan per ch'il sport d'elita ed il studi pon vegnir mess meglier sut in tetg. Las duas uniuns han perquai suttascrit ina decleraziun communabla.

Students a l'uni. Bild in Lightbox öffnen.

Legenda da maletgs: Swiss Olympic e swissuniversities vulan megliurar las cundiziuns da basa per sportists d'elita che studegian. Keystone

Fin ussa han sportists d’elita adina discurrì d'in pitschen sustegn entras las universitads, hai num en la communicaziun. 37% dals campiuns olimpics tranter il 2010 ed il 2014 studegian entant.

Studis parzials sin tut las scolas autas

Per ch'ils atlets pon vinavant purtar prestaziuns maximalas e serrar giu lur furmaziun academica cun success, duain las cundiziuns da basa daventar meglras. Tranter auter duain studis parzials esser pussaivels sin tut las scolas autas. Plinavant duain ils sportists d’elita vegnir cussegliads e sustegnids meglier avant il studi, pretendan swissuniversities e Swiss Olympic, l'uniun tetgala dal sport svizzer.

RR novitads 12:00