Jolanda Neff n'ha betg cuntanschì sia finamira als campiunadis mundials da Lai. Per ina medaglia n'hai betg tanschì en la cursa da cross country. Ella ha passà la lingia d'arriv sco quarta e manchentà il podest mo per 15 secundas. Neff ha dal cumenzament davent gì fadia da tegnair il tempo aut. Ella ha absolvì bunamain l'entira cursa sin la quarta posiziun.
Gudagnà la cursa ha plitost surprendentamain l'Americana Kate Courtney cun in temp dad 1:34:55 avant la Danaisa Annika Langvad (+0:47) e la Canadaisa Emily Batty (+1:58).
Las ulteriuras Svizras
Er ina buna cursa ha la Svizra Linda Indergand mussà. Ella è daventa 13avla. Sin plaz 23 è vegnida Ramona Forchini e sin plaz 28 Kathrin Stirnemann. Andrea Waldis ha deplorablamain stuì dar si la cursa.
RR novitads 15:00
