En la 22avla runda da la SuperLeague ha Lugano gudagnà in zic terren en il cumbat cunter la relegaziun. Ils Tessinais han batti ordaifer Son Gagl cun 1:0. Grazia a la victoria è Lugano uschia 7 puncts avant la laterna cotschna, Vaduz.
En la Super League gudogna l'FC Basilea oz suentermezdi cleramain cun 3:1 cunter Lucerna. Fin la 36avla minuta maina Basilea cun 2:0. Lura vegn Lucerna da scursanir. Cun il gol da Marc Janko al 3:1 fa Basilea lura tut cler en l'81avla minuta.
En il segund gieu perda Losanna a chasa cunter l'FC Sion cun 0:1. Losanna ha pers il gieu malgrà ch'els han las ultimas 30 minutas giugà cun in um dapli.
RR novitads 17:00