Cun la victoria da Lucerna avanza il club da la Svizra Centrala sin la plazza 5. e po, sche Sion perda il final dal Cup svizzer cunter Basilea, giugar per la qualificaziun en l’Europa League. Lucerna varga uschia il FC Son Gagl che ha pers cunter il campiun svizzer il FC Basilea suenter ch'ils son gaglies eran i duas giadas en avantatg.
Era a la cua da la tabella èsi vegni stretg, il FC Aarau era gia relegà en la Challange League. Aarau è davos da la tabella sulet in punct davos il FC Vaduz. La stagiun proxima vegn il FC Lugano a giugar en la Super League.
Ils resultats da la 36avla runda da la Super League:
FC Basilea - Son Gagl 4:3
FC Turitg - Grasshoppers 4:3
Young Boys - FC Vaduz 2:1
FC Lucerna - FC Sion 3:0
FC Aarau - FC Thun 3:2
RR Novitads 23:00