Siglir tar il cuntegn

Naziunal/Internaziunal FC Sion perda a Kasan

Il FC Sion ha manchentà da gia sa qualifitgar per la fasa da K.o. en l’Europa League. Ils Vallesans han pers il 5avel gieu da gruppa tar Rubin Kasan cun 0:2.

Birama Ndoye da Sion en il gieu cunter Rubin Kasan.
Legenda: Birama Ndoye da Sion n’ha pudì giugar sulet 32 minutas. Keystone

Per la decisiun ha il club da la Russia procurà pir a la fin dal gieu. En la 72avla minuta ha Giorgiev manà Kasan cun 1:0 en avantatg. En la 90avla minuta ha Devic sajettà il 2:0. Sion ha dentant er stuì giugar bun in’ura cun sulet 10 giugaders. Gia en la 32avla minuta ha Ndoye survegnì la carta cotschna ed uschia stuì ir gia baud sut la duscha.

Per il FC Sion è quai stà l’emprima terrada en questa Europa League. En il davos gieu da gruppa, ils 10 da december, frunta Sion a chasa sin il club da la Premier League, il FC Liverpool.

RR novitads 20.00