Naziunal/Internaziunal - FC Son Gagl relascha Heinz Peischl
Il Club da ballape da Son Gagl reagescha sin la miseria sportiva e sa separa per immediat dal schef da sport Heinz Peischl. Uschia rapportan plirs meds da massa.
Heinz Peischl aveva in contract anc fin la fin da questa stagiun. Sco successur surpiglia ad interim Christian Stübi. L'um da 45 onns era fin ussa il manager dal team.
En la Super League ha il FC Son Gagl pers ils davos tschintg gieus da campiunadi. L’equipa da Jeff Saibene è uschia crudada sin il 7avel plaz da la tabella.
