Curt avant pausa ha Stillhart dal FC Thun pudì scursanir al 2:1 ed en la segunda mesadad è il gieu cupitgà. Dejan Sorgic e Tosetti han sajettà ils gols a la victoria da 4:2.
Basilea ha gì discletg, suenter che l'arbiter n'ha betg renconuschì il gol al 3:1. Sin fundament dals maletgs en la televisiun era la balla dal tut davos la lingia. L'arbiter n'ha dentant betg vesì quai uschia.
Lucerna batta Lugano cun 4:1
En il segund gieu da la sonda saira ha Lucerna gudagnà ordaifer cunter Lugano. Ils Lucernais èn stads pli efficients. Vargas cun dus gols sperts sco era Christian Schneuwly ed Eleke han tutgà.
RR novitads 21:00