FC Turitg vegn relegà en la Challenge League

Lugano gudogna a chasa cunter il FC Son Gagl cun 3:0. Uschia gida la victoria da 3:1 cunter l’FC Vaduz nagut pli. Il FCZ gioga la proxima stagiun en la Challenge League.

Giugaders dal FC Turitg suenter il gieu. Bild in Lightbox öffnen.

Legenda da maletgs: L'FC Turitg vegn malgrà ina victoria relegà en la Challange League. Keystone

La ultima runda dal campiunadi ha purtà la surpraisa. Il FC Turitg vegn relegà suenter 28 onns en la Challange League. La victoria en la 36avla ed ultima runda da la stagiun cunter il FC Vaduz na po betg liberar il club da la citad da Turitg. Da las ultimas 10 partidas ha il FCZ sulet gudagnà la partida cunter Vaduz.

GC gudogna cunter il Campiun svizzer

Ils Grassoppers gudogna l’ultima partida cunter l’FC Basilea cun 1:0. Uschia po GC giugar la proxima stagiun per la qualificaziun da l’Europa League. Per il FC Basilea è quai il 7avel titel en seria ed il 19avle en l’istorgia dal club.

En las ulteriuras partidas gudogna YB ordaifer cunter Thun cun 3:0 e Lucerna e Sion giogan pari 2:2.

Final dal Cup svizzer

En il Cup svizzer vegn quai tar in interessant final. Il FC Turitg po anc giugar il final e quai gist cunter il FC Lugano. Il final è proxima dumengia ils 29 da matg a Turitg.

RR novitads 23:00