Siglir tar il cuntegn

Header

Seydou Doumbia.
Legenda: Emprim gieu - emprim gol per Seydou Doumbia cun il FCB. Keystone
cuntegn

Naziunal/Internaziunal FCB gia puspè a la testa

Cun novs nums, dentant vegl success. Il Club da ballape da Basilea ha gudagnà l’emprim gieu da la stagiun cun 3:0 encunter Sion e sa chatta uschia gia suenter l’emprima runda da la Super League a la testa da la tabella.

Il FCB n’ha laschà nagina schanza a Sion avant ils fans da chasa. L’um dal gieu è stà il capitani da Basilea, Matias Delgado. En la 37avla minuta ha el nizzegià in penalti al 1:0. Curt suenter la pausa ha l’Argentin fatg tut cler sun ses segund gol al 3:0. Tranteren ha Seydou Doumbia sajettar il 2:0. Il giugader da la Costa d’Ivur ch’era stà il 2009 e 2010 il meglier tiragols da la Super League, quai en il tricot dals Young Boys, ha tuc tar ses emprim gieu cun Basilea cun il chau.

Resultats 1. runda da la Super League

Lugano - Lucerna
1:2 (0:1)
Son Gagl - Young Boys
0:2 (0:0)
Grasshoppers - Losanna
2:0 (1:0)
Thun - Vaduz
1:1 (1:0)
Basilea - Sion
3:0 (2:0)

RR novitads 06:00

Artitgels legids il pli savens