Siglir tar il cuntegn

Header

fans dal fcb
Legenda: Ils fans dal FC Basilea pon festivar cun lur club. Keystone
cuntegn

Naziunal/Internaziunal FCB per 6avla giada en seria campiun svizzer

En la partida tranter il FCB ed YB hai dà in pari 0:0. Gest in punct ha mancà al FCB per il titel dal campiun svizzer. YB ha segirà cun quest pari il plaz dus en la tabella ed uschia in plaz en la qualificaziun per la Champions League.

Trais rundas avant la fin ha il FCB segirà il titel dal campiun svizzer. In pari ha tanschi. Per Basilea èsi il 18avel titel en l’istorgia dal club. Per Marco Streller è quai ina bella finiziun. El smetta sia carriera a la fin da la stagiun.

Quai ans avain nus giavischà gia durant la pausa d’enviern da daventar campiun svizzer en ina partida cunter YB.
Autur: Marco Strellercapitani FCB

Il stadion a Basilea, il St. Jakobpark, è stà vendì ora. 36’000 aspectaturs han persequità la partida tranter il FCB ed YB.

La festa

Millis fans han festivà dumengia saira paschaivlamain il titel da campiun svizzer dal FCB sin il Barfüsserplatz. Bun duas uras suenter il 0:0 cunter YB èn ils giugaders sa preschentads avant ils fans.

Encunter mesanotg ha ina gruppa da 150 persunas attatgà ina patruglia da la polizia ed ha sajettà buttiglias e fieus artifizials. La polizia ha pudì quietar la situaziun.

RR novitads 18:00/7:00

Artitgels legids il pli savens

Scrollar a sanestra Scrollar a dretga