Il club da ballape da Lucerna ha er demonstrà oz sia buna furma actuala e gudagnà ordaifer cunter Aarau cun 6:2. Per Lucerna èsi la quarta victoria en seria.
Aarau perencunter resta a la cua da la tabella cun 6 puncts retard sin Vaduz. Il FC Sion ha gudagnà ordaifer cunter Son Gagl cun 1:0.
Ed era ils Young Boys da Berna han gudagnà ordaifer: quai cunter il club da ballape da Turitg cun 1:0. YB ha uschia cementà ses segund plaz en la tabella che lubescha da sa participar a la Champions League.
