Siglir tar il cuntegn

Header

Ils giugaders da Thun festiveschan in gol
Legenda: Il FC Thun gudogna cunter Lugano a chasa cun 3:2. Keystone
cuntegn

Naziunal/Internaziunal FCZ e Thun cuntanschan il mezfinal da la cuppa svizra

  • Il FC Turitg gudogna a chasa cunter Kriens cun 2:1
  • Thun batta Lugano cun 3:2

Il defensur da titel da Turitg gudogna a chasa cunter Kriens cun 2:1 e cuntanscha uschia il mezfinal da la cuppa svizra. Ils da Turitg che giogan ina classa pli auta che la squadra da Kriens han dentant gì da cumbatter ditg per la victoria. Pir en la 82avla minuta ha Adrian Winter sajettà il gol decisiv per il FCZ.

En la segunda partida da la saira ha il FC Thun battì il FC Lugano cun 3:2. Bain 30 minutas ha la squadra bernaisa duvra avant ch'ella ha pudì ir en avantatg cun 1:0. Be prest set minutas suenter han ils Tessinais dentant puspè egualisà la partida. Entras dus gols en la 71avla ed 80avla minuta han ils giugaders da Thun dentant pudì decider la partida en lur favur. Il 2:3 ord vista da Lugano entras Marc Janko è crudà pir en la prolungaziun ed uschia è il FC Thun sa qualifitgà per il mezfinal.

Las partidas da mezfinal:

  • Lucerna / Young Boys Berna – Thun
  • FC Basilea – FC Turitg

RR novitads 23:00