L'FC Turitg ha er cunter Lugano betg chattà la via ord la crisa. Ils Turitgais han pers il gieu capital cun 0:3, uschia pudess Xamax s'avischinar en la tabella sin fin dus puncts.
En il segund gieu da la 30avla runda ha Sion pers a chasa cunter Basilea cun 0:3. Grazia a la victoria è Lugano uss en la tabella sin posiziun 4 cun 37 puncts. Sion è sin plazza 5 medemamain cun 37 puncts. L'FCZ perencunter è crudà enavos sin plazza 7 cun 34 puncts. Basilea resta sin plazza 2 cun 56 puncts.
