Siglir tar il cuntegn

Naziunal/Internaziunal FCZ schlia contract cun Rossini

Il club da ballape da Turitg (FCZ) schlia per immediat ses contract cun il giugadur emprestà Patrick Rossini. Tenor ina communicaziun a las medias reagescha il FCZ sin ina procedura penala da la Swiss Football League.

Patrick Rossini tar in trenament cun il FCZ.
Legenda: Il tessinais Patrick Rossini era dà ad emprest dal FC Lugano. Keystone

La Swiss Football League intercurescha in surpassament cunter il scumond da premias estras. I vegn supponì che giugaders dal FC Lugano - e cun quai era Rossini - hajan fatg amogna daners a giugaders dal FC Schaffusa, sch'els gudognan in gieu cunter in terz club.

Tenor il reglament da concurrenza è quai dentant scumandà. Il FCZ ponderescha anc, schebain prender pass giuridics.

RR novitads 14:00