Siglir tar il cuntegn

Header

cuntegn

Naziunal/Internaziunal Fedcup: Golubic egualisescha cun exploit

Suenter l'emprim di dal mezfinal da Fedcup statti 1:1 tranter la Svizra e la Tschechia. Suenter la perdita da Timea Bacsinszky ha Viktorija Golubic procurà per l'egualisaziun cun sia victoria da 3:6, 6:4 e 6:4 cunter Karolina Pliskova.

Tge prestaziun da Viktorija Golubic (WTA 129) tar ses emprim gieu singul dal Fedcup. Il sustegn dals stgars 5’000 aspectaturs en la Messehalle a Lucerna ha dà anim a la Turitgaisa per batter il numer 1 nominal da la Tschechia en in temp d’in zic dapli che duas uras e trais sets.

Confruntà e battì il squitsch

Ni il squitsch supplementar da la perdita da Bacsinszky ni il set pers da l’entschatta ed er betg in retard da break en il segund percurs han pudì bittar la giuvna da 23 onns ord il concept.

audio
Sportissimo: Fedcup a Lucerna - Golubic egualisescha
ord Sportissimo dals 16.04.2016.
laschar ir. Durada: 5 minutas 1 Secunda.

Las perspectivas n’eran betg bunas per Golubic cun il retard 3:6 e 2:4, avant ch’ella ha gudagnà enavos la partida cun quatter victorias da game en seria.

L’elan ha ella lura pudì prender cun sai en il set decisiv, en il qual ella ha pudì prender giu il servis trais giadas da sia contrahenta.

Bacsinzky era malsegira

Timea Bacsinzky (WTA 33) avess gì da far igl emprim punct per la Svizra, procurar pigl avantatg dad 1:0. Mo igl è vegni tut auter, la Svizra ha gì in fitg schlet di, pareva fitg malsegira ed ha uschia pers suenter bun in’ura fitg clar cunter la Tscheca Barbora Strycova (WTA 33) cun 0:6 e 2:6.

I fa mal. Schi mal.
Autur: Timea Bacsinszky numra 1 da l'equipa svizra da Fedcup
Timea Bacsinszky baunda il plaz cun larmas en ils egls
Legenda: Cun larmas en ils egls ha Bacsinszky bandunà il plaz suenter la terrada cunter la Tscheca Strycova. Keystone

Curta speranza en il segund set

Suenter mo 45 minutas era la Svizra gia enavos cun 0:6 e 0:3. Lura ha Bacsinszky fatg igl emprim game. Sinaquai ha ella giugà in zic meglier, ha dentant tuttina gì nagina schanza. Strycova ha giugà fitg ferm, davent dal service sur las fridas da davostiers fin tar il volley.

RR novitads 15:00 / 17:00 / Sportissimo 17:00

Artitgels legids il pli savens