Siglir tar il cuntegn

Header

cuntegn

Naziunal/Internaziunal Federer betg preschent a Madrid

Cuntraculp per Roger Federer: Il giugader da tennis manchenta il turnier da ATP-1000 en la chapitala spagnola.

Il turnier sin sablun a Madrid ha lieu senza Roger Federer. Il Basilais sto dar forfait pervi da problems cun il dies. Il Svizzer era sa blessà la sonda durant il trenament.

I n’è però betg la fin dal mund, sch’i na duess betg gartegiar.

A medem temp ha Federer dentant affirmà ad ina conferenza da medias en la chapitala spagnola da vulair far part dal turnier a Roma (a partir da proxim glindesdi).

Pir 13 gieus en las chommas

A partir dals 22 da matg suondan ils French Open a Paris. Là ha il Svizzer fin uss gudagnà be ina giada, il 2009.

A Federer (34) manca la pratica da gieu en questa stagiun. Er pervi d’in’operaziun dal miniscus ha el pir giugà trais turniers.

RR novitads 17:00

Artitgels legids il pli savens