Siglir tar il cuntegn

Header

cuntegn

Naziunal/Internaziunal Federer e Bacszinsky en l'otgavel final

Roger Federer ha gudagnà il gieu da la terza runda a Wimbledon. Cunter l'Australian Sam Groth ha il Svizzer per l'emprima giada pers in set, ha dentant tuttina dominà la partida e gudagnà cun 6:4, 6:4, 6:7 (5:7) e 6:2.

En l'otgavel final frunta Federer, che ha gudagnà gia set giadas il turnier a Londra, sin il Spagnol Roberto Bautista Agut. Cunter lez ha Federer gudagnà omaduas giadas ch'el ha dà encunter el.

Era Timea Bacszinsky en l'otgavel final

Per l'emprima giada en sia carriera è Bacszinsky en l'otgavel final a Wimbledon. La Svizra da Losanna ha gudagnà cunter la Tudestga Sabine Lisicki en 2 sets cun 6:3 e 6:2. En la proxima runda frunta Bacszinsky sin la Rumena Monica Niculescu.

Gia ier avevan Stan Wawrinka e Belinda Bencic cuntanschì l'otgavel final a Wimbledon.

RR novitads 17:00

Artitgels legids il pli savens